VISITAS ESCOLARES: ABRIL, MAIO E XUÑO 2026

Visitas destinadas a alumnado de primaria (6-12 anos)

O LUNS 29 DE SETEMBRO DO 2025 ÁS 12:00H
ABRIREMOS O CALENDARIO DE RESERVA PARA
AS VISITAS ESCOLARES DO CURSO ACADÉMICO 2025/2026

RECORDA! A única forma de reservar é a través da nosa web.
Estate atento e... NON TE QUEDES SEN PRAZA!
As nosas 300 vacas e o resto de peludos! espéranvos con moOoitas ganas

As visitas serán guiadas en todo momento por persoal experto de Casa Grande de Xanceda

• Visita Escolar Curta: a súa duración é de 2 horas e media e levarase a cabo durante o mes de abril.

• Visita Escolar Longa: a súa duración é de 4 horas e levarase a cabo durante os meses de maio e xuño.

En ambas visitas (escolar curta e escolar longa) visitaranse todas as zonas de interés da granxa: as cortes, a sala de muxido e ata a nosa fábrica! Por suposto, tamén coñeceredes os máis peques da granxa, os becerriños, e poderedes darlles o bibe! así como saudar e alimentar ao resto de animais do ecozoo: galiñas, ovellas, ponis, cabras... esperaranvos con moOoitas ganas! 

Ademais, na visita ESCOLAR LONGA poderase realizar un paseo moOoi divertido polos nosos prados e carballeiras se o imprevisible tempo galego nolo permite, claro! En caso contrario, no problem! gardarémosnos da choiva coa realización dun taller ou manualidade

As visitas están destinadas ao alumnado de primaria (6-12 anos) e o número máximo de alumnos por visita é de 50. 

 As nosas vacas están ansiosas por vos recibir!