O calcio é un mineral moOoi importante que apoia a estrutura e rixidez dos ósos
Os nosos kéfires conteñen 14 cultivos vivos diferentes que aportan importantes beneficios para a saúde.
Grazas a estes cultivos, o noso produto conserva máis de 100.000 millóns de bacterias vivas beneficiosas para o organismo.
A palabra “probiótico” provén do grego e o latín e significa “favorecedor de vida”. Estes fermentos están vivos e axudan a mellorar o teu benestar ademais de ser un aporte á túa nutrición. En cada kéfir de Xanceda hai millóoooons deles.
O segredo da cremosidade dos nosos kéfires de culler é que usamos só leite fresco (nada de leite en pó ou tona), ultrafiltrámola e así reducimos a auga do leite. O leite co que elaboramos o kéfir ten toda a súa proteína, calcio e vitaminas, pero sen tanta auga! O resultado? Unha cremosidade alucinante!
Elaboramos os nosos kéfires co leite das nosas vacas que saen pacer 360 días ao ano, os outros cinco… reservámolos para nevaradas, temporais… días nos que quedan quentiñas en enoOormes camas de palla. Garantimos así leite de pastoreo toOodo o ano e tamén a felicidade e benestar das nosas raíñas, as vacas.
Os nosos Kéfir14 ecolóxicos
Kéfir bebible ecolóxico natural
Kéfir bebible ecolóxico natural con cítricos
Kéfir ecolóxico natural
Kéfir ecolóxico desnatado natural
Kéfir ecolóxico con froitas do bosque
Que é o Kéfir?®?
Kéfir é un leite fermentado orixinario da rexión do Cáucaso que se leva consumindo miles de anos. A propia palabra vén do turco “Kief”, significa “sentirse ben” ou “agradable sensación”.
Xa o di todo, non si?
Kéfir14, un kéfir con 14 cultivos vivos diferentes
A nosa é unha receita que xunta non un, nin dous, nin tres, senón 14 cultivos vivos diferentes moOoi bos para ti! e isto, faina única!
Grazas a todos eses cultivos, os nosos kéfires conteñen máis de 100 mil millóns de bacterias vivas (si, si, vivas!) que, ademais de ser nutritivas, fanche ben.
E, por suposto, é 100% Xanceda: san, ecolóxico, moOoi rico e suave ao padal (non pica!)
Que beneficios habituais ten o kéfir probiótico?
Contribúe ao benestar dixestivo
Tomados en cantidades adecuadas proporcionan un beneficio para a saúde
Pode facilitar unha mellor e máis rápida dixestión
Aporta ao teu organismo miles de millóns de bacterias vivas. Bacterias das moOoi boas, claro!
É mellor aceptado por persoas con intolerancia á lactosa
Faite sentir ben e non só fisicamente, senón tamén mentalmente! Sabías que o intestino é o noso segundo cerebro?