Xanceda Market: Aforo Completo
22 marzo 2022
Por motivos de seguridade, é preciso ter reservado para asistir
Estamos marabillados polo voso apoio, estudaremos repetir o Xanceda Market a vindeira fin de semana
MoOoitísimas grazas polo voso apoio, sodes do melloriño! O aforo para o Xanceda Market desta fin de semana está completo. Ante a boa acollida estudaremos repetilo a vindeira fin de semana. Se queres que te avisemos no correo electrónico desta posible repetición podes subscribirte a Xancedadictos. OLLO: isto non é unha inscrición para o Xanceda Market.
Esta fin de semana agardámoste en Casa Grande de Xanceda! Abrimos un pop up market sábado 26 e domingo 27 de 10.00h a 14.00h. Unicamente, por motivos de seguridade e organización, pedímosche:
que te rexistres neste formulario,
levarache 10 segundos!
MoOoitos chamádesnos preguntando cando imos poder volver abastecer con normalidade os supermercados. Non o sabemos, xa que non sabemos canto vai a durar o paro do transporte.
Ven sábado e domingo á ecotenda da nosa granxa: con acceso a unha parte da granxa con sala de muxido, zonas de diversión para os cativos e a presenza de animais como un burro, becerriños ou a cadeliña Malibú, guaaaauuuuu!
Poderás comprar bandexas de 6 packs dos teus iogures preferidos e con desconto! Ven facer a túa compra de lácteos ao máis puro estilo granxeiro!.
Insostible tirar comida
O Xanceda Market é como unha pop up store: só estará aberto esta fin de semana para todos e con produtos con desconto. Debido ao paro do transporte, levamos máis dunha semana sen poder distribuír os nosos iogures con normalidade e non queremos que se perdan. Por iso creamos este market para que veñas pasalo piiipaaa e podas levar os iogures directamente da granxa á túa neveira.¡Nós e as nosas 300 vacas agardámoste!
