As mulleres do rural pisamos forte
07 marzo 2022
Desde Casa Grande de Xanceda camiñamos cara a igualdade con moOoito ritmo
Calzamos unhas botas lilas para reivindicar, desde o rural, os nosos pasos pola igualdade
Este 8 de marzo, desde Casa Grande de Xanceda queremos visibilizar que as mulleres do rural pisamos forte. ¡Pero non pisamos de calquera xeito! ¡Facémolo cuns suÚuper pasos de baile!.
Mulleres de todos os departamentos da granxa, ao máis puro estilo granxeiro, calzamos unhas botas de goma (por suposto, fabricadas no Estado), que é o que se usa hoxe en día nas granxas e que, ademais, son lilas para reivindicar os nosos pasos pola igualdade. Pero estes pasos levan dándose moOoito tempo, ¡e antes dábanos con zocos! Por iso, enviamos aos nosos clientes VIP e sorteamos para os nosos subscritores uns pequenos zocos lilas da zoqueira galega Elena Ferro, ¡así recordamos de onde vimos para saber a onde imos!
Desde Xanceda, sempre pola igualdade
Como sabes, non é a primeira vez que desde Casa Grande de Xanceda reivindicamos a figura da muller rural e o seu imprescindible papel na sociedade así como a necesidade de avanzar en materia de igualdade. Recordas cando segamos o símbolo da muller máis grande do mundo?.Ademais, das máis de 50 persoas empregadas, un 62% somos mulleres. Dúas delas foron protagonistas dun suUuper mural en herba seca o Día da Muller Rural:
Narrativa Tiktok
En Casa Grande de Xanceda sempre nos gustou estar á úUultima así que démoslle ao vídeo este formato tiktokeiro para chegar a toooodos os públicos e facelo especialmente atractivo para as novas xeracións, que é onde deben asentarse os valores da igualdade para unha sociedade do benestar.